انٹرنیشنل کرکٹ کونسل (آئی سی سی) نے ٹی ٹوئنٹی ورلڈکپ کے میچز کی اضافی ٹکٹس جاری کردیں۔ پاکستان نیدرلینڈز اور بھارت جنوبی افریقا افریقا کے میچ ڈے کی اضافی ٹکٹس جاری کی گئی ہیں، یہ میچز پرتھ اسٹیڈیم میں کل کھیلے جانے ہیں۔ یہ بھی پڑھیں ’سب نِل بٹا نِل ہیں‘، شعیب اختر چیئرمین پی سی بی سمیت ٹیم مینجمنٹ پر برس پڑے T20 ورلڈکپ کے سیمی فائنل تک رسائی کا مشن، پاکستان ایک بار پھر اگر مگر کا شکار 6 نومبر کو ایم سی جی میں بھارت زمبابوے میچ کے اسٹینڈنگ روم کی ٹکٹس فروخت کے لیے جاری کردی گئی ہیں جب کہ 3 نومبر کو سڈنی کرکٹ گراؤنڈ میں پاکستان اور جنوبی افریقا کے میچ کی بھی اضافی ٹکٹس جاری کی گئی ہیں۔ منتظمین کا کہنا ہے کہ اضافی ٹکٹس جاری کرنے کا مقصد ہے کہ زیادہ سے زیادہ لوگ میچ دیکھ سکیں، ٹکٹ کی مالیت 20 آسٹریلوی ڈالر ہے اور ٹکٹس پہلے آئیں پہلے پائیں کی بنیاد پر فروخت ہوں گی۔ آئی سی سی ٹی ٹوئنٹی ورلڈکپ کے فائنل کی بھی ٹکٹس اب تک دستیاب ہیں جو 13 نومبر کو میلبرن کرکٹ گراؤنڈ میں کھیلا جائے گا۔ منتظمین کے مطابق پاکستان بھارت میچ 90293 تماشائیوں نے دیکھا جب کہ ایم سی جی میں ایک اور فل ہاوس کی توقع ہے۔
