لاہور : پی ٹی آئی چیئرمین عمران خان پرحملے کرنے والے ملزم کے موبائل سے اہم معلومات مل گئیں۔ تفصیلات کے مطابق پنجاب حکومت کے ذرائع کی جانب سے کہا گیا ہے کہ پی ٹی آئی چیئرمین عمران خان پرحملے کے ملزم کے موبائل سے اہم معلومات مل گئیں ہیں۔ Unmute ذرائع نے بتایا کہ ملزم کےموبائل میں مذہبی سیاسی جماعت کی متعددویڈیوزملی ہیں، جس میں جماعت کےرہنماؤں کی تقاریر اور کارکنوں کےنعروں پرمبنی ویڈیوز شامل ہیں۔ ذرائع پنجاب حکومت کا کہنا ہے کہ ملزم نوید کےموبائل سے کیےگئےرابطوں کا پتہ لگایا جا رہا ہے۔ خیال رہے عمران خان پرقاتلانہ حملےکی تحقیقات کاؤنٹرٹیررازم ڈپارٹمنٹ کےسپردکردی گئی ہے۔ ذرائع نے بتایا ہے کہ مرکزی ملزم نویدکوتفتیش کے لئے لاہورمنتقل کر دیاگیا،ملزم کوچونگ میں قائم سی ٹی ڈی کےسیل میں پہنچا دیاگیا۔ ملزم نوید سے سی ٹی ڈی سمیت اہم اداروں کی پوچھ گچھ جاری ہے ، واقعے کا مقدمہ سی ٹی ڈی یا مقامی تھانے میں درج کیا جائے گا۔
